life style and health data
Health Tips: జుట్టు రాలకుండా ఉండాలంటే...ఈ చిట్కాలు పాటించండి 1 y ago
జుట్టు రాలటం ఎందువల్ల జరుగుతుంది అంటే...
ఆహారపు అలవాట్లు, పెరుగుతున్న కాలుష్యం వంటి కారణాల వల్ల హెయిర్ ఫాల్ సమస్య పెరిగింది. కొన్ని జాగ్రత్తలు తీసుకుంటే హెయిర్ ఫాల్ను కంట్రోల్ చేయవచ్చని నిపుణులు చెబుతున్నారు. ఇటీవల చాలామంది అమ్మాయిలు జుట్టు విపరీతంగా రాలిపోవడం వంటి సమస్యలను ఎదుర్కొంటున్నారు. రోజూ కొంత జుట్టు రాలడం సాధారణమే, కానీ చెడు ఆహార అలవాట్లు, కాలుష్యం, ఒత్తిడి వంటి అంశాలు హెయిర్ ఫాల్కు కారణమవుతాయి.
1. జుట్టు రాలే సమస్యకు పోషకాహారంతో పరిష్కారం
జుట్టు రాలే సమస్యను వెంటనే పరిష్కరించడానికి మంచి పోషక విలువలు గల ఆహారం తీసుకోవాలని నిపుణులు సూచిస్తున్నారు. విటమిన్లు, మినరల్స్, ఆరోగ్యకరమైన కొవ్వులు, యాంటీఆక్సిడెంట్లు, ప్రొటీన్ కలిగిన ఆహారం జుట్టు ఆరోగ్యంగా ఉండటానికి సహాయపడుతుంది. పోషకాహార లోపం, ముఖ్యంగా ఐరన్, జింక్, విటమిన్ ఎ, డి లోపం వల్ల జుట్టు రాలుతుంది. మీ డైట్లో రకరకాల పండ్లు, కూరగాయలు, లీన్ ప్రొటీన్లు, తృణధాన్యాలు చేర్చండి. పాలకూర, గుడ్లు, నట్స్, విత్తనాలు, చేపలు జుట్టు రాలడం తగ్గించేందుకు ఉపయోగకరమైనవి.
2. ఆలివ్ ఆయిల్తో హెడ్ మసాజ్
హెయిర్ ఫాల్ను కంట్రోల్ చేయడానికి హెడ్ మసాజ్ సహాయపడుతుంది. మంచి ఎసెన్షియల్ ఆయిల్స్తో కూడిన రిలాక్సింగ్ స్కాల్ప్ మసాజ్ హెయిర్ ఫోలికల్స్కు రక్త ప్రవాహాన్ని పెంచి, వాటికి పోషణ అందించి, హెయిర్ గ్రోత్ను ప్రోత్సహిస్తుంది. లావెండర్, రోజ్మేరీ, పిప్పరమెంట్ వంటి ఎసెన్షియల్ ఆయిల్స్ను కొబ్బరి, బాదం లేదా ఆలివ్ ఆయిల్లో కలిపి మృదువుగా మసాజ్ చేయండి. తలస్నానం చేసే గంట ముందు ఈ ప్రక్రియ చేయడం మంచిది. తరచుగా చేస్తే జుట్టు రాలడం తగ్గుతుంది.
3. కఠినమైన రసాయనాలకు దూరంగా ఉండడం
షాంపూలు, కండిషనర్లు, స్టైలింగ్ ఉత్పత్తుల వంటి అధిక రసాయనాలు జుట్టు రాలడాన్ని పెంచుతాయి. జుట్టుకు హాని చేయని సల్ఫేట్ ఫ్రీ ఉత్పత్తులను ఎంచుకోండి. స్ట్రెయిట్నర్లు, కర్లింగ్ ఐరన్ల వంటి హీట్ స్టైలింగ్ సాధనాలను తగ్గించండి, ఎందుకంటే వీటి వేడి జుట్టును బలహీనపరుస్తుంది.
4. కలబంద గుజ్జుతో హెయిర్ గ్రోత్
కలబంద గుజ్జులో అనేక ఔషధ గుణాలు ఉన్నాయి. కలబందలోని యాంటీ ఆక్సిడెంట్లు మరియు యాంటీ ఇన్ఫ్లామేటరీ లక్షణాలు జుట్టును ఆరోగ్యంగా ఉంచుతాయి మరియు హెయిర్ ఫాల్ను నియంత్రిస్తాయి. తాజాగా ఉన్న కలబంద గుజ్జును తలకు పట్టించి 50 నిమిషాల పాటు ఆరనివ్వండి. తర్వాత తేలికపాటి షాంపూతో తలస్నానం చేయండి. కలబంద స్కాల్ప్ pH ను సమతుల్యం చేసి, వాపును తగ్గించి, హెయిర్ గ్రోత్ను ప్రోత్సహిస్తుంది.
5. హెయిర్ మాస్క్లతో జుట్టుకు రక్షణ
జుట్టు రాలడాన్ని నియంత్రించడానికి సరైన హెయిర్ కేర్ అనుసరించడం ముఖ్యం. వారానికి కనీసం రెండు సార్లు తలస్నానం చేయండి. జుట్టును హైడ్రేట్గా ఉంచడానికి కడిషనింగ్ చేయండి. చిక్కులు తీయడానికి సున్నితంగా దువ్వండి. తడి జుట్టుతో నిద్రపోవడం మంచిది కాదు, ఎందుకంటే కురులు బలహీనంగా ఉంటాయి. జుట్టును సహజంగా ఆరబెట్టుకుని, రెండు మూడు గంటల తరువాత నిద్రపోవడం మంచిది. హెయిర్ మాస్క్లు జుట్టుకు సరైన పోషణ మరియు తేమ అందించడంలో సహాయపడతాయి.
