ఉరుకుల పరుగుల జీవితంలో ఒత్తిడి మన జీవితంలో అనివార్యమైన భాగంగా మారింది. పని ఒత్తిడి, ఆర్థిక సమస్యలు, వ్యక్తిగత సమస్యలు, ఆరోగ్య సమస్యలు - ఇవన్నీ ఒత్తిడికి కారణమవుతాయి. ఇంటి బడ్జెట్, పనులు, పిల్లలు, బంధువులు వంటి అంశాల వల్ల కూడా తీవ్ర ఒత్తిడి ఎదుర్కొంటున్నాం. సామాన్యులు, విద్యార్థులు, మేధావులు, అధికారులు, కార్పొరేట్‌ ఉద్యోగులు అందరూ మానసిక ఒత్తిడితో బాధపడుతున్నారు. దీని ఫలితంగా ఆందోళన, కుంగుబాటు, గుండెజబ్బులు, స్ట్రోక్ వంటి సమస్యలు పెరుగుతున్నాయి. మానసిక ఆరోగ్యం గురించి అవగాహన కల్పించడానికి, డబ్ల్యూహెచ్‌ఓ ప్రతి సంవత్సరం అక్టోబర్‌ 10న ఈ దినోత్సవాన్ని జరుపుతుంది. ఒత్తిడిని తగ్గించి, సంతోషంగా ఉండటానికి కొన్ని మార్గాలను చూద్దాం.

**వ్యాయామం చేయండి** 

ఒత్తిడి స్థాయిలను తగ్గించడానికి వ్యాయామం అత్యంత ప్రభావవంతమైన మార్గం అని నిపుణులు చెబుతున్నారు. రోజూ క్రమంగా వ్యాయామం చేస్తే, ఎండార్ఫిన్‌లు విడుదలై మానసిక స్థితిని మెరుగుపరుస్తాయి మరియు ఒత్తిడిని తగ్గిస్తాయి. వ్యాయామం ఒత్తిడి హార్మోన్ కార్టిసాల్ స్థాయిలను తగ్గించడంలో కూడా సహాయపడుతుంది. రోజూ వ్యాయామం చేయడం ద్వారా శరీరం మరియు మనస్సు విశ్రాంతి పొందుతాయి.

**శ్వాస వ్యాయామాలు చేయండి**

ఒత్తిడికి గురైతే, లోతైన శ్వాస వ్యాయామాలను ప్రాక్టిస్ చేయండి. మీ శ్వాసపై దృష్టి పెట్టడం ద్వారా, డీప్ బ్రీత్ ఎక్స్‌ర్‌సైజ్‌లు మీ మనస్సుకు శాంతిని అందిస్తాయి, ఒత్తిడి మరియు ఆందోళన తగ్గిస్తాయి. రోజుకు 10 నిమిషాలు ఈ వ్యాయామాలు చేస్తే, ఒత్తిడి తగ్గుతుంది.

**ప్రశాంతంగా నిద్రపోండి** 

ఒత్తిడిని నియంత్రించడానికి ప్రశాంతమైన నిద్ర అనివార్యమైంది. సరైన నిద్ర లేకపోతే మనకు చిరాకు, అలసట, ఆందోళనగా అనిపిస్తుంది. నిద్రలేమి కార్టిసాల్ స్థాయిలను పెంచుతుంది, ఇది ఒత్తిడిని మరింత పెంచుతుంది. అందువల్ల, నిపుణులు ప్రతి రాత్రీ కనీసం 8 గంటలు నిద్రపోవాలని సూచిస్తున్నారు.

**పోషకాహారం తీసుకోండి**

మీ శరీరం సక్రమంగా పనిచేయడానికి సమతుల్య, పోషకాహారం చాలా ముఖ్యం. ఒత్తిడిని నియంత్రించడంలో పోషకాహారం కీలక పాత్ర పోషిస్తుంది. మీ డైట్‌లో పండ్లు, కూరగాయలు, తృణధాన్యాలు, లీన్ ప్రోటీన్ వంటి సంపూర్ణ ఆహారాలను చేర్చండి. ప్రాసెస్ చేసిన ఆహారాలు మరియు చక్కెర నుండి దూరంగా ఉండండి.

**ఇష్టమైనవారితో మాట్లాడండి**

ఒత్తిడిని తగ్గించడానికి సామాజిక మద్దతు అవసరం. భావోద్వేగ మద్దతు అందించడానికి మరియు ఒంటరితనాన్ని దూరం చేయడానికి, స్నేహితులు మరియు ఇష్టమైన వారితో ఎక్కువ సమయం గడపండి.

గమనిక: పైన అందించిన ఈ ఆరోగ్య సమాచారం మరియు సూచనలు మీ అవగాహన కొరకు మాత్రమే. ఆరోగ్యానికి సంబంధించిన ఎలాంటి సమస్య ఉన్నా, వైద్యులను సంప్రదించడం ఉత్తమం.

ముఖం కాంతివంతంగా, తెల్లగా మెరవాలనుకుంటున్నారా..?

వైరల్ ఫీవర్స్ రాకుండా ఉండాలంటే తీసుకోవాల్సిన ముఖ్యమైన జాగ్రత్తలు